|
【愛犬
囡囡】 半年喇∼∼ 都忘記唔倒妳∼成日諗起妳..都會喊.. 最近買左部數碼相機..但好可惜..影出黎唔係再係同圍走既妳 而係一幅幅以前既相...我真係好想見倒妳.. 雖然呢半年黎發夢都有兩次見過你.. 但點解你頭七唔返黎見我地丫.. 我都知我對你未夠好~~仲記得爸爸一買你返黎果日~ 你同囝囝兩個果個傻樣..真係好可愛... 不過真係好多謝你呢十三年黎帶比我地既歡樂.. 我地個個都好掛住你.. 唔知你投左胎未呢.. 如果未既話.. 去搵爺爺啦..我嗌左佢照顧你..我諗你都見倒囝囝呢.. 得閒返黎啦...我地好想見倒你... 希望你投胎已經做梗人啦~ 唔好再做返狗...我地都決定唔再養狗喇.. 因為希望你係我心目中最後一個妹~~ 但我知架...真係知架...你唔捨得.. 但我都唔想見倒你辛苦個樣...所以..對唔住... 當我帶你去診所..我自己都唔敢簽...最後由哥哥簽左.. 醫生嗌我地出去喇.. 我見倒妳好想跟我地走架.. 但.. 真係對唔住...我唔想帶你返去再見倒你辛苦... 見倒你唔肯訓教...所以先選擇左安樂比你去.. 最後見倒一個冇呼吸同訓左既妳.. 我攬住你...果一刻..我真係唔想走...亦知道乜野叫傷心同心痛 我真係好掛住你..我知道你都唔捨得,因為你係我走既時候落雨. 就好似爺爺果時咁. 我永遠都會記住你..亦會永遠記住.. 2002年7月3日上午10:50 亦會記住.. 我們約會 我們再會 沒想到再沒有擁抱的機會 我們傷悲 我們流淚 也只能流落到陌生人的嘴 那五寬的床位 已成為這段感情的紀念碑 我們愛誰 我們陶醉 還看錯了現在身邊是誰 我曾以為 我卻誤會 一轉身就能擦干你的汗水 給我一百萬歲 也許都不能看著你沉睡 我還不夠累 不能夠沉睡 錯過了再見你的機會 你還蓋著那張 棉被 責怪我頹廢 我永遠都唔會忘記妳...妳永遠都係我心入面.. 永遠都唔會消失 Ｆｒｏｍ：家姐藹兒 2002年7月3日上午10時50分~ 永遠記住你..................................... 囡囡~~ 你o係我心入面永遠都唔會消失的~~ 我永遠都唔會忘記你最後的一個眼神~~ 我永遠都唔會忘記我同你的每一段回憶~~ 係我親手簽紙送你上路的~ 你要怪就返來搵我啦~ 我好希望你識得回來搵我~~ 我唔可以原諒自己,就好似我親手送你上路一樣~ FROM：哥哥寶兒
|
